BE.81 Logu no.185
JESUS MUAL NI NGOLUNGKU

Ayat 1
Jesus mual ni ngolungku, Sipangolu tondingki Ai dibunu Ho musungku, ima hamatean i.
Ho manaoni hamagoan, patupahon hangoluan Alani hupuji Ho, tung marribu hali do.

Ayat 2
Haleaon, insakhinsak, reherehe, tijur pe Tali dohot pastappastap, tung ditaonhon Ho sude
Paluahon au na pogos, sian tangan ni sibolis Alani hupuji Ho, tung marribu hali do.

Ayat 3
Bugang sada tanggurungmu Di na hona linsing i Hamamalum ni bugangku Na di rohangki do i
Ho do gabe binuraan Au dapotan hangoluan Ala ni hupuji Ho Tung marribu hali do

Ayat 4
Sungsang duri ditumpalhon Panginsahi i tu Ho Jala tolong dilibashon Tu uluM, pasiak Ho.
I ditaonhon Ho, Tuhanku. Ala ni hajungkatonku. Ala ni hupuji Ho Tung marribu hali do.

Ayat 5
Tung tanganMu dohot patMu Ditorusi labang i Jadi tiris ma mudarMu Sian hau parsilang i,
I do mual paridian Di au jolma na hansitan. Ala ni hupuji Ho Tung marribu hali do.

Ayat 6
Sai pinuji ma GoarMu Ala ni na bernit i Dohot ala ni mudarMu Jesus na nilehonMi
Lao pasaehon dosanami Asa unang mago hami Ho hupuji ala ni Salelenglelengna i.
